Kryetari i Partisë Socialiste, Edi Rama, ka përcjellë një mesazh urimi me rastin e 35-vjetorit të themelimit të forcës politike që drejton.
Përmes një mesazhi publik, Rama uroi çdo anëtar dhe anëtare të Partisë Socialiste, duke e cilësuar atë si “familjen tonë të madhe politike”.
Ai theksoi gjithashtu bindjen për vijimin e misionit që, sipas tij, lidhet me objektivin për ta çuar Shqipërinë drejt integrimit europian deri në vitin 2030.
“Me urimin për çdo anëtar e anëtare të familjes sonë të madhe politike, në këtë 35-vjetor të Partisë Socialiste, si edhe me bindjen e patundur në misionin tonë historik për të ngjitur Shqipërinë 2030 në majën e Europës së Bashkuar, ju dëshiroj të gjithëve një ditë të mbarë”, shprehet Rama në mesazhin e tij.
