Ish-banori i Big Brother VIP Kosova, Eduard Kuçi, ishte së fundmi i ftuar në emisionin “Canape”, ku foli hapur për eksperiencën e tij brenda shtëpisë dhe për raportet me disa nga banorët.
Ai u ndal veçanërisht te banorja Dolce, me të cilën krijoi një raport afrimiteti gjatë qëndrimit në shtëpi, përfshirë momente intime dhe puthje të zjarrta.
Gjatë intervistës, Kuçi komentoi edhe afrimitetin që Dolce ka krijuar së fundmi me Lim Hotin, ku ai ka theksuar se sjellja e saj në publik nuk ka qenë pozitive për imazhin e saj.
“Në sytë e mi nuk është mirë se del keq në publik. Një herë me atë, një herë me këtë. Në kuadër të lojës është mendjelehtë. Femër është e bukur, edhe live e ka bukurinë. Në shtëpi është vajza më e bukur, ka personalitet,” u shpreh Kuçi.
Ai shtoi gjithashtu se edhe pse bëhet fjalë për një lojë, një femër duhet të ruajë respektin për veten dhe kufijtë personalë.
“Gjithë ajo femër me e lëshu veten kështu vetëm atë e kam parë. Edhe në lojë, femra duhet me mbajt veten, duhet me pas respekt për veten. S’bëhen ato gjeste,” deklaroi ai.
Po ashtu, Eduardi tha se Dolcen e ka njohur edhe jashtë programit, duke theksuar se afrimiteti dhe emocionet e shfaqura brenda shtëpisë kanë qenë pjesë e lojës dhe jo ndjenja reale.
“E kam njohur Dolcen edhe para Big Brother. Ajo që ka ndodhur, lotët që i kam nxjerrë, ka qenë lojë. E njoh nga jashtë. Nuk kam pasur ndjenja ndaj saj,” tha ai.
