E ardhmja e Julian Nagelsmann në krye të kombëtares gjermane është gjithnjë e më e pasigurt.
Sipas Florian Plettenberg, Federata Gjermane e Futbollit i ka kërkuar trajnerit të marrë në konsideratë dorëheqjen vullnetare pas paraqitjes zhgënjyese të Gjermanisë në Kupën e Botës.
Nagelsmann është ende zyrtarisht në detyrë, por situata duket shumë delikate. Nëse ai refuzon të largohet vetë, DFB është e gatshme të marrë vendimin për shkarkimin e tij.
Gjatë ditës së sotme, trajnerit i është dhënë mundësia të paraqesë shpjegimet e tij para komitetit të federatës për dështimin e kombëtares në Botëror.
Gjermania u eliminua nga Paraguaji në raundin e parë me eliminim direkt, një rezultat që ka rritur ndjeshëm presionin mbi trajnerin dhe drejtuesit e federatës.
Vendimi përfundimtar pritet të merret së shpejti, ndërsa emri i Jürgen Klopp tashmë ka nisur të qarkullojë si alternativa më e madhe për stolin e Gjermanisë.
