Nata e Madridit kishte sjellë pak shpresë për Juventusin, por disfata në Romë kundër Lazios u shndërrua në një film horror për bardhezinjtë. Trajneri Igor Tudor kishte planifikuar një sulm me Vlahovic dhe David, duke e aktivizuar edhe Yildiz gjatë ndeshjes, por rezultati ishte njësoj si në përballjet e fundit: mungesë totale efikasiteti dhe ideje.
Në pjesën e parë, Vlahovic kishte një mundësi ideale për të ndryshuar rrjedhën e ndeshjes, por dështoi përballë portierit Provedel. Një gabim i Davidit e ndihmoi Lazion të shënojë golin e parë. Edhe ndryshimet strategjike të Tudor-it nuk sollën rezultat: Openda hyri në lojë vonë pa ndonjë ndikim të dukshëm, ndersa Yildiz, përkundër përpjekjeve, u duk i lodhur dhe pa ide.
Statistat janë alarmante: Juventusi nuk ka arritur të shënojë në katër ndeshje radhazi – kundër Milanit, Comos, Real Madridit dhe Lazios – një rekord negativ që nuk kishte ndodhur që nga marsi i vitit 1991. Bardhezinjtë duken pa identitet, pa ide dhe me një krizë të thellë në fazën e sulmit.
Pas disfatës në Olimpico, drejtuesit e klubit nuk vonuan të vepronin. Në një mbledhje urgjente në Continassa, me praninë e John Elkann, klubi vendosi të shkarkojë Igor Tudor. Në njoftimin zyrtar, Juventusi shprehu falenderime për përkushtimin dhe profesionalizmin e tij.
Problemi në sulm mbetet i thellë: Vlahovic ka humbur formën e tij të dikurshme, Jonathan David nuk është përshtatur si duhej, ndërsa Openda dhe Yildiz po luftojnë për të gjetur hapësirën e duhur në ekip. Pa gola dhe me një renditje që po rrëshqet jashtë kontrollit, Juventus do të hapë një kapitull të ri. Drejtuesit po shikojnë drejt ardhjes së Thiago Motta-s si trajner të ri, i cili konsiderohet i duhuri për të rikthyer identitetin dhe besimin në skuadër.
Ky ndryshim erdhi në një moment kritik për Juventusin, i cili e ka të nevojshme një ringjallje për t’u ngritur mbi këtë krizë.
