Këngëtarja e njohur botërore, Nelly Furtado, ka shpallur që do të bëjë një pauzë të pacaktuar nga performancat muzikore live, pas një karriere 25-vjeçare. Ajo e njoftoi këtë vendim në Instagram, në përvjetorin e albumit të saj debutues “Whoa, Nelly!”, duke shprehur gëzimin që muzika e saj vazhdon të prekë një brez të ri dëgjuesish. Megjithatë, Nelly theksoi se është koha për t’u përqendruar në iniciativa të tjera krijuese dhe personale që përputhen më shumë me fazën aktuale të jetës së saj.
“Ka qenë një kënaqësi që të rikthehem në skenë dhe të ndaj fuqinë e muzikës me publikun. Por kam vendosur të tërhiqem nga performancat,” shkruan ajo, duke shprehur mirënjohje për vitet e kaluara në muzikë. Nelly, e njohur për hite të tilla si “I’m Like a Bird” dhe “Say It Right”, u rikthye në skenë vitin e kaluar pas një pauze, duke performuar në disa festivale ndërkombëtare.
Së fundi, Nelly ka përballur kritika për pamjen dhe veshjet e saj në skenë. Si përgjigje, ajo e shfaqi një mesazh të fortë pranimi dhe vetëbesimi në një koncert, duke vestur një bluzë me mbishkrimin “Better than ever”, duke e sfiduar kështu “body shaming”-un.
Sipas mediave si People dhe Entertainment Weekly, këngëtarja nuk po largohet plotësisht nga muzika; ajo planifikon të vazhdojë shkrimin e këngëve dhe të ndjekë projekte të tjera artistike. Duket se ky vendim për të bërë një pauzë është një hap drejt një aventure të re për artisten, e cila do të vazhdojë të kontribuojë në muzikë në mënyra ndryshe, ndërsa eksploron edhe aspekte të tjera personale dhe kreative të jetës së saj.
Furtado është një figurë e rëndësishme në industrinë muzikore, dhe ndarja e saj nga performancat live shënon një epokë të re për të, duke lënë pas një trashëgimi të fuqishme muzikore. Ajo do të mbetet në zemrat e fansave të saj dhe do të vazhdojë të frymëzojë me punën e saj.
