Kryeministri Edi Rama ditën e sotme ishte i pranishëm në Konferencën e 3-të të Mbrojtjes Kibernetike të NATO-s.
Shqipëria është vendi mikpritës i delegacioneve nga 32 vendet anëtare të Aleancës, të përfaqësuara nga ministritë e Jashtme, të Mbrojtjes dhe cyber ambassadors.
Në fjalën e tij, kreu i qeverisë u shpreh me krenari për përparimin e vendit në fushën e sigurisë digjitale, duke theksuar rëndësinë e përpjekjeve për parandalimin e sulmeve kibernetike dhe qëndrueshmërinë e infrastrukturës shqiptare pas sulmit të gjerë që vendi pësoi disa vite më parë.
Rama: Qeveritë marrin meritën ose fajin për atë që bëjnë si duhet ose atë për të cilën gabojnë. Por kurrë nuk marrin asnjë meritë për atë të cilën parandalojnë. Nëse qeveritë do të gjykoheshin përmes të dhënave reale mbi atë çka parandalojnë të ndodhë besoj se njerëzit do të kishin një medim më të mirë për to. Kur bëhet fjalë për hapësirën kibernetike, është pikërisht kështu, ndërmarrja e një morie përpjekjesh për të parandaluar që të ndodhin gjëra të tmerrshme. E dimë se si ndihesh kur kjo ndodh. Ne na u desh të përballemi dhe e pamë veten në mes të një sulmi kibernetik mjaft të keq dhe të gjerë që synoi infrastrukturën tonë digjitale, që është krenaria jonë. Përmes kësaj gjëje ndryshuam krejt mallkimin e marrëdhënieve mes qeverisë dhe qytetarëve, shërbimeve publike dhe qytetarëve sepse u bëmë nga të parat vende që nuk kishin sportele për të ofruar shërbime, dhe i sollëm 95% të këtyre shërbimeve në xhepat e qytetarëve. Ky ishte synimi, një investim i jashtëzakonshëm për burimet tona të kufizuara. Gjithë ky investim mund të ikte, por i mbijetuam kësaj, jam shumë krenar të them që kemi një prej mureve mbrojtëse më të mira kibernetike mes vendeve të NATO-s.
Kryeministri Edi Rama deklaroi sot se Shqipëria përballet me një sulm kibernetik çdo tre minuta, por arrin t’i zmbrapsë të gjitha pa pasoja të mëdha. Gjatë fjalës së tij në Konferencën e 3-të të Mbrojtjes Kibernetike të NATO-s, që po zhvillohet në Tiranë, Rama theksoi se vetëm gjatë vitit të fundit janë regjistruar 48 sulme që kanë lënë gjurmë, por pa shkaktuar dëme të konsiderueshme.
Rama: Sot përballemi me një sum kibernetik çdo tre minuta, por ia dalim t’i zmbrapsim. Kur bëhet fjalë për sulme që lënë gjurmë, kemi pasur 48 të tilla gjatë vitit të fundit. Kanë lënë gjurmë, por nuk kanë bërë asnjë dëm të konsiderueshëm. E përsëris me krenari, jemi mes më të mirëve. Kemi qenë mes të parëve që kombinuam mborjtjen kibernetike me inteligjencën artificiale. Është inteligjenca që bën punën 24/7 për të zbuluar në faza shumë të hershme potencialin e sulmeve të dëmshme.
Ky event i nivelit të lartë shërben si një platformë unike për shkëmbimin e njohurive, forcimin e bashkëpunimit dhe ndërtimin e strategjive të përbashkëta që synojnë mbrojtjen kolektive përballë kërcënimeve gjithnjë në ndryshim në hapësirën kibernetike.
