Shqipëria u trondit më 6 tetor nga një ngjarje e rëndë dhe e paprecedentë në sistemin e drejtësisë, ku gjyqtari Astrit Kalaja u vra me armë zjarri brenda sallës së gjyqit në Gjykatën e Apelit. Ngjarja e rëndë ndodhi gjatë shpalljes së një vendimi gjyqësor.
Autori i dyshuar i vrasjes është 30-vjeçari Elvis Shkambi! Sipas raportimeve autori mbushi armën sapo gjyqtari dha vendimin dhe qëlloi fillimisht me një plumb në drejtim të tij. Gjyqtari Kalaja tentoi të largohej dhe të mbrohej, por Shkambi e qëlloi edhe dy herë të tjera, duke e plagosur për vdekje në kraharor dhe në bark.
Sipas dëshmisë së sekretares së gjykatës, e cila ndodhej në sallë gjatë ngjarjes, autori nuk u ndal me kaq. Ai plagosi gjithashtu babë e bir, me të cilët kishte një konflikt të njohur për çështje pronësie. Pas sulmit ndaj tyre, Shkambi drejtoi armën edhe në drejtim të sekretares, por fatmirësisht nuk e shkrepur.
