Agjencia Kombëtare e Krimeve të Britanisë në bashkëpunim me autoritetet franceze kanë ndaluar një jaht me emigrantë të paligjshëm në brigjet e Isle of Weight.
Mësohet se trafikatët e emigrantëve ishin dy ukrainas, Vladyslav Cherniavskyi, 37 vjeç, dhe Oleksandr Yavtushenko, 43 vjeç, të cilët janë arrestuar.
Gjithashtu policia britanike ka shoqëruar edhe pesë emigrantët të cilët tentuan të futen ilegalisht në Britaninë e Madhe. Konkretisht bëhet fjalë për katër shqiptarë dhe një shtetas vietnamez.
Sipas raportimeve, jahti ishte nisur nga veriu i Francës dhe u pikas në Kanalin Anglez nga një anije patrulluese e Forcës Kufitare Britanike.
