Në Kolegjin Zgjedhor do të shqyrtohet sot ankimi i Partisë Demokratike për rezultatin e zgjedhjeve të 11 majit në Tiranë dhe Durrës. Në orën 10:30 shqyrtohet Tirana dhe në 11:00 do të shqyrtohet animimi për Durrësin.
PD e dërgoi në Kolegj pasi KAS rrëzoi më herët kërkesën për pavlefshmëri dhe përsëritje zgjedhjesh ndërsa rinumërimi në këto qarqe nuk prodhoi asnjë ndryshim mandatesh.
Në Tiranë, Partia Socialiste mori 19 mandate, ndërsa PD 13 mandate, 2 Partia Mundësia dhe nga 1 mandat për Nisma Shqipëria Bëhet, Lëvizja Bashkë dhe PSD. Ndërkohë, në Durrës PS mori 8 mandate dhe 6 mandate shkuan për PD.
Vendimi i Kolegjit Zgjedhor i hap rrugë KQZ të certifikojë përfundimisht rezultatin në këto qarqe dhe të shpërndajë mandatet për deputetët e zgjedhur më 11 maj. Ndërkohë, mbeten edhe dy qarqe për t’u shqyrtuar, Fieri dhe Elbasani, të cilat PD i ka ankimuar në Kolegj, por ende nuk është caktuar data për shqyrtimin e ankimit.
