Skuadra e Premier League, Aston Villa, është gati ta lërë portierin Emiliano Martinez të largohet për 40 milionë £, mes interesimitt të Barcelona-s dhe Manchester United.
Portieri argjentinas ka qenë titullar i tyre i padiskutueshëm për shumë vite.
Emiliano Martinez nënshkroi për Aston Villan në vitin 2020, pasi kaloi nëpër periudha të shumta huazimi gjatë kohës së tij në Arsenal. Ai ka bërë 211 paraqitje për Villans, duke mbajtur 69 herë portën të paprekur në të gjitha kompeticionet.
Momenti i përparimit të Martinez erdhi gjatë Copa America 2021 dhe Kupës së Botës FIFA 2022, ku ai u bë çelësi i triumfit të Argjentinës së bashku me Lionel Messin.
Paraqitjet e tij të pabesueshme për La Albiceleste në Kupën e Botës e çuan atë të bëhej një nga portierët më të mirë në botë.
Sipas talkSPORT, Aston Villa është e hapur ta lërë Emiliano Martinez të largohet për një shumë të raportuar prej 40 milionë £.
Argjentinasi pritet të ketë disa oferta në Europë, përfshirë Barcelonën dhe Manchester United. Kontrata e tij aktuale me Aston Villan është e vlefshme deri në qershor 2029.
