Real Madrid po përgatitet për një revolucion të vërtetë në verë. Florentino Perez synon ndërtimin e një ekipi konkurrues dhe largpamës.
Në orët e fundit po përflitet se presidenti i “Los Blancos” ka arritur një marrëveshje verbale me Arsenalin për mbrojtësin francez William Saliba.
Kontrata e francezit me Arsenalin kadon në vitin 2027, por “Topçinjtë” mund të heqin dorë prej tij për një ofertë te 80-90 milionë euro, shifër që Florentino Perez është i gatshëm ta paguajë direkt.
Saliba ndiqet prej kohësh nga Reali, francezi shihet si profili i duhur për të përforcuar mbrojtjen. Përveç cilësive dhe aftësive të tij mbrojtëse, mosha e tij vetëm 24 vjeç, e bën atë që të jetë një investim afatgjatë në mbrojtje. Deri tani dihet që Alexander Arnold do të vijë në verë si lojtar i lirë, ndërsa përforcimi i radhës po në mbrojtje duket se do jetë William Saliba.
24-vjeçari ka një marrëdhënie shumë të mirë me Kylian Mbappe, i cili duket se është një shtysë e madhe që mbrojtësi të vijë në Madrid që këtë verë.
