Në kryeqytetin e Maqedonisë së Veriut, Shkup, do të mbahet një garë të veçantë, e cila ka si temë ngrënien e qofteve.
Banorët e Shkupit dhe pjesëmarrësit që do të zgjedhin të marrin pjesë, do të kenë për detyrë të hanë sa më shumë qofte brenda një periudhe të caktuar kohore, me qëllim që të mposhtin konkurrentët.
Gara, e cila do të testojë aftësitë për të ngrënë qofte, do të zhvillohet në katër raunde, një herë në javë, për një muaj të tërë. Çmimi për fituesin e garës do të jetë 500 euro.
Fituesit e çdo jave do të konkurrojnë me njëri-tjetrin në garën finale që do të mbahet në fund të muajit, ku do të shpallet kampioni. Ky eveniment do të organizohet në një nga qebaptoret më të njohura të Shkupit.
