Gazetari i njohur britanik Piers Morgan ka zbuluar versionin e tij për atë që ndodhi mes Cristiano Ronaldos dhe trajnerit të Portugalisë, Jorge Jesus, përpara largimit të bujshëm të sulmuesit.
Sipas Morgan, Ronaldos i ishte premtuar se do të ishte titullar në dy ndeshjet e para të grumbullimit dhe më pas do të pushonte në dy sfidat e tjera.
Megjithatë, përpara ndeshjes ndaj Norvegjisë, Jesus i kërkoi 40-vjeçarit të luante rreth 30 minuta si zëvendësues. Ronaldo pranoi dhe u nxeh për afro 25 minuta, por trajneri në fund nuk e aktivizoi fare.
Morgan pretendon se pikërisht kjo situatë bëri që Ronaldo të ndihej i poshtëruar, pasi sipas tij kishte një ndryshim të vazhdueshëm mes asaj që i thuhej privatisht dhe asaj që ndodhte në praktikë.
Gazetari hodhi poshtë gjithashtu pretendimet se Ronaldo kërkonte një vend të garantuar në formacion në çdo ndeshje. Sipas tij, problemi kryesor për portugezin ishte respektimi i marrëveshjeve dhe i fjalës së dhënë.
Konflikti rreth largimit të Ronaldos ka shkaktuar polemika të mëdha në Portugali, ndërsa federata po shqyrton edhe mundësinë e një gjobe dhe pezullimi ndaj veteranit.
