Temperaturat do të pësojnë sërish një rënie të ndjeshme në të gjithë territorin shqiptar. Kryesisht vendi do të dominohet ditën e sotme nga një mot i kthjellët me alternime vranësirash ku më të theksuara do të jenë në zonat verilindore – juglindore.
Pjesa e dytë e ditës do të ketë mot të qëndrueshëm por të ftohtë.
Temperaturat e ajrit do të pësojnë sërish rënie të tyre duke u luhatur nga -5°C vlera minimale e shënuar në zonat verilindore deri në 13°C vlera maksimale e cila pritet përgjatë vijës bregdetare.
Era do të fryjë mesatare deri e fortë gjatë gjithë ditës duke arritur shpejtësinë maksimale deri në 40 km/h nga drejtimi Verior – Verilindor, për pasojë në brigjet detare do të krijohet dallgëzim mbi 4 ballë.
