Finalja e Kupës së Shqipërisë do të zhvillohet më 13 maj, në orën 19:00, në stadiumin “Air Albania”, ku Dinamo City dhe Egnatia do të diskutojnë trofeun e 74-t në historinë e këtij kompeticioni.
Kjo përballje rikthen në skenë finalen e sezonit të kaluar, ku Dinamo City arriti të triumfonte. Edhe këtë vit, të dyja skuadrat kanë treguar forcë dhe qëndrueshmëri gjatë rrugëtimit të tyre në Kupë, duke siguruar me meritë vendin në ndeshjen vendimtare.
Për Egnatian, kjo do të jetë finalja e katërt në Kupën e Shqipërisë. Rrogozhinasit kanë fituar dy herë këtë trofe, në vitet 2023 dhe 2024, dhe tashmë kërkojnë një tjetër sukses në këtë kompeticion.
Nga ana tjetër, Dinamo City vjen në finale për të dytin sezon radhazi dhe synon të mbrojë trofeun e fituar një vit më parë. Kryeqytetasit kanë një histori të pasur në Kupën e Shqipërisë, me 14 trofe të fituar deri tani.
Sfida e 13 majit pritet të jetë e luftuar dhe me shumë interes, me Dinamo City që kërkon të konfirmojë dominimin në këtë kompeticion, ndërsa Egnatia synon të rikthejë Kupën në Rrogozhinë.
Biletat për finalen Dinamo City – Egnatia mund të blihen në platformën ebileta.al.
