Një aksident tragjik me pasojë dy viktima ka ndodhur në rrugën dytësore Lezhë–Kakarriq. Viktimat janë baba dhe bijë.
Sipas burimeve, dyshohet se aksidenti ka ndodhur që në orët e pasdites, ndërsa automjeti ka dalë nga rruga dhe ka përfunduar i përmbysur në një kanal.
Kanë qenë familjarët ata që të shqetësuar, kanë nisur kërkimet për të afërmit e tyre. Vetëm pak kohë më parë, gjatë një patrullimi rutinë, një patrullë policie ka konstatuar automjetin e përmbysur në kanal, ku janë gjetur edhe dy viktimat pa shenja jete.
Policia dhe shërbimet zjarrfikëse ndodhen në vendngjarje dhe po punojnë për zbardhjen e plotë të rrethanave të aksidentit.
