Këtë Shën Valentin në ambientet e burgut të Beratit u organizua një festë simbolike me pjesëmarrjen e bashkëshorteve të të paraburgosurve, e shoqëruar me lule dhe mesazhe dashurie.
Lajmi u publikua në rrjtet sociale, përmes fototve nga Drejtoria e Përgjithshme e burgjeve, sipas të cilës aktiviteti u zhvillua në një atmosferë të ngrohtë dhe miqësore, me qëllim forcimin e lidhjeve familjare dhe përcjelljen e mesazheve pozitive për rëndësinë e familjes në procesin e rehabilitimit.
Organizatorët theksuan se familja mbetet një nga vlerat më të rëndësishme për çdo individ, duke luajtur rol kyç në mbështetjen emocionale dhe riintegrimin në shoqëri.
