Kreu i qeverisë, Edi Rama ditën e sotme ka zhvilluar një takim me komunitetin e biznesit, në një dialog të hapur për nisjen e një kapitulli të ri bashkëpunimi atë të paqës fiskale, që synon formalizimin dhe rritjen e qëndrueshme ekonomike duke përgatitur sipërmarrjen për procesin e integrimit europian.
Gjatë dialogur, Rama debatoi me një ndërtues, të cilit i rikujtoi listën e zezë. Rama theksoi se është e rëndësishme që ndërtuesit të mos devijojnë nga projekti fillestar, pasi qytetarët që paguajnë gjithë kursimet e jetës për të blerë nëj shtëpi meritojnë të marrin atë për të cilën paguajnë.
Edi Rama: Ne tani kemi vendosur me ligj listën e zezë, kush hyn në listën e zezë nuk mund të marrë më leje nuk e di për sa vite. Kriteret do të jenë shumë rigoroze për të garantuar që njerëzit të cilët paguajnë të marrin atë për të cilën paguajnë. Kjo është gjëja që ne duam të garantojmë.
Kam 20 vjet që merrem me racën tuaj, e di shumë mirë se çfarë lloj mënyre keni që funksiononi. Ajo lista e bardhë është e bvardhë për sa kohë nuk është e zezë. Asnjë shqiptar që blen dhe investon kursimet e jetës nuk ju ka juve borxh të lëvizni një milimetër nga gjëja që pretendoni se po shisni, ja u tregoni projkete kur ata fillojnë të paguajnë… nuk meriton askush që të surprizohet. Ju duhet të ngrini nivelin dhe mos e kërkoni fajin të pasqyra, fajin kërkojeni të fytyra. Nuk ka askush asnjë borxh që ndërtuesit të mos i qëndrojnë korrekt ligjit, të mos i qëndrojnë korrekt atyre që paguajnë, të mos i qëndrojnë korrekt të ardhmes.
