Në GJKKO është zhvilluar këtë të hënë seanca e radhës për dosjen “Partizani” ndaj kreut të PD Sali Berisha, dhëndrin e tij Jamarbër Malltezi dhe tre të pandehurve të tjerë.
Seanca u shty për më datë 12 janar pasi avokati i Berishës kërkoi të vijojë parashtrimet e tij. Edhe seanca e kaluar u shty për shkak të mungesës së avokatit Sokol Hazizaj dhe Vasilika Hysit që mbrojnë biznesmenin Fatmir Bektashi dhe dy kompanitë.
Berisha akuzohet nga SPAK se, gjatë kohës kur mbante postin e kryeministrit, qeveria e tij ka ndërmarrë veprime për miratimin e ligjeve dhe akteve nënligjore, nga të cilat ka përfituar dhëndri i tij, Jamarbër Malltezi, në ndërtimin e pallateve mbi truallin e ish-kompleksit sportiv “Partizani”.
