Klement Çala i dënuar për grabitjen e parave në Rinas është izoluar në “41 bis. Ai është dënuar për grabitjen e parave nga Rinasit, ngjarje e ndodhur në prill të 2019.
Gjykata e Posaçme në tetor 2022 gjeti fajtor dhe dënoi me 122 vite burg 7 të pandehurit e grupit kriminal. Për Klement Çalën gjykata caktoi 20 vjet burg për grabitjen e miliona eurove.
Klement Çala është dënuar me 20 vite heqje lirie për akuzën e pjesëmarrjes në grabitjen armatosur të rreth 4.6 milionë eurove në aeroportin e Rinasit në prill 2019 në bashkëpunim me një grup të strukturuar kriminal.
Kjo është hera e dytë që Çala izolohet në regjimin e posaçëm me kërkesë të drejtorisë së burgjeve.
Klement Çala kishte dalë më parë nga regjimi i ashpër me një vendim gjykate e cila kishte pranuar kërkesën e Çalës për vuajtjen e dënimit ne një burg të zakonshëm, vendim qe shfuqizoi edhe urdhrin e 5 majit 2022 të ministrit të Drejtësisë për izolimin e tij ne 41 bis.
Pjesë e bandës se grabitësve ishte edhe vëllai i Klement Çalës, Eldi Çala qe është dënuar me 17 vite heqje lirie.
Po kështu, të njëjtën mase dënimi me nga 17 vjet heqje lirie morën edhe bashkëpunëtoret e tjerë Renaldo Sula, Saimir Çela, Elton Pikli dhe Alkond Bengasi.
