Më 21 nëntor 2025, shkencëtarët konfirmuan një zbulim të jashtëzakonshëm: balena ginkgo-toothed u identifikua për herë të parë në natyrë pas dekadash kërkimesh të pasuksesshme.
Kërkimet kishin nisur në vitin 2020, kur u regjistruan tinguj të pazakontë pranë Baja Kalifornisë në Meksikë, të dyshuar si sinjale ekolokacioni të këtij lloji të rrallë.
Vitin e kaluar, ekipi arriti të shihte dy balena, por nuk kishte prova të konfirmuara deri tani.
Identifikimi u bë përmes një biopsie, duke marrë një copëz të vogël lëkure me një pajisje të modifikuar. Deri sot, njohuritë për këtë specie vinin vetëm nga trupat e gjetur në brigjet e Japonisë.
Elizabeth Henderson, redaktore e Aquatic Mammals, e quajti këtë një “zbulim të madh”, duke theksuar vështirësitë e kërkimit për një specie që nuk ishte parë kurrë më parë e gjallë.
Balenat ginkgo-toothed njihen për zhytjet e thella dhe shmangien e anijeve e sonarëve, sjellje që i bën pothuajse të padukshme.
Avancimet në teknologjinë akustike kanë ndihmuar në rritjen e njohurive për to.
Henderson tha se duket se këto balena përdorin edhe bregun perëndimor të Amerikës së Veriut, duke zgjeruar ndjeshëm zonën e njohur të shpërndarjes së tyre.
Gjatë ekspeditës u panë gjithsej gjashtë kafshë, përfshirë dy balenat e rralla.
Misioni pati edhe momente të papritura, si ndërhyrja e një albatrosi që tentoi të marrë mostrën, por ekipi e shpëtoi duke e shpërqendruar me bukë.
Ky zbulim hap perspektiva të reja për studimin e biodiversitetit dhe mbrojtjen e jetës detare.
