Presidenti amerikan Donald Trump ka njoftuar nënshkrimin e një ligji që urdhëron publikimin e dosjeve qeveritare në lidhje me Jeffrey Epstein, të ndjerin dhe të dënuarin për krime seksuale. Ky ligj kërkon që Departamenti i Drejtësisë të publikojë brenda 30 ditëve të gjithë informacionin mbi hetimet e Epstein. Megjithatë, disa dokumente mund të mos çohen në publik nëse lidhen me hetime aktive ose shihen si një invazion i privatësisë personale.
Fillimisht, Trump kishte kundërshtuar publikimin e dosjeve, duke e cilësuar si një “hoax” të drejtuar nga demokratët për të për të shmangur vëmendjen nga punët e tij. Por pas reagimeve nga viktimat e Epstein dhe nga anëtarët e Partisë Republikane, ai ndëroi mendje. Ligji kaloi me mbështetje të madhe në të dy dhomat e Kongresit.
Dosjet që do të publikohen përfshijnë informacione nga hetimet kriminale, duke përfshirë transkripte të intervistave me viktimat, letrat e brendshme të Departamentit të Drejtësisë dhe logjet e fluturimeve. Këto dosje janë të ndryshme nga më shumë se 20,000 faqet e tjera dokumentesh të lëshuara nga Kongresi javën e kaluar, disa prej të cilave përmendin drejtpërdrejt Trump-in.
Epstein, i cili u gjet i vdekur në vitin 2019 në burgun e New York-ut, kishte lidhje me figura të njohura, përfshirë Trump-in. Presidenti ka mohuar çdo gabim lidhur me Epstein, duke theksuar se ata kishin ndarë rrugët e tyre shumë më herët.
Familja e Virginia Giuffre, një nga viktimat që përfundoi me vetëvrasje këtë vit, e quajti nënshkrimin e ligjit nga Trump “monumentale” për të dhe të tjerët që kanë përjetuar abuzim. Ata shprehuan se kërkesat për publikimin e emrave duhet të vazhdojnë, pa marrë parasysh pushtetin apo pasurinë e individëve.
Ligji po ashtu i jep Prokurores së Përgjithshme Pam Bondi detyrimin për të publikuar të gjitha dosjet e deklasifikuara lidhur me Epstein dhe Ghislaine Maxwell. Megjithatë, disa informacione ende mund të ndalohen nga publikimi, nëse ato konsiderohen se rrezikojnë privatësinë e individëve ose janë pjesë e hetimeve aktive.
Konferencat e fundit kanë ngritur shqetësime se Trump mund të përdorë hetimet si justifikim për të mbajtur informacione të caktuara në terr.
