Momente dramatike janë regjistruar në Zyrën Ovale të Shtëpisë së Bardhë pasditen e së enjtes, gjatë një konference për shtyp të mbajtur në prani të Presidentit amerikan Donald Trump.
Gjatë prezantimit të marrëveshjes mes kompanive farmaceutike Novo Nordisk dhe Eli Lilly, që parashikon ulje të mëdha çmimesh për medikamentet që ndihmojnë në humbjen e peshës, një incident i papritur ndërpreu ngjarjen.
Në momentin kur po fliste drejtpërdrejt CEO i “Eli Lilly”, David Ricks, kamerat kapën Gordon Findlay, drejtues ekzekutiv i “Novo Nordisk” në SHBA, i cili humbi ndjenjat dhe u rrëzua pranë Donald Trump.
Zyrtarët e pranishëm ndërhynë menjëherë për ta ndihmuar, ndërsa Findlay mori kujdes të menjëhershëm mjekësor. Ende nuk është bërë e ditur gjendja e tij shëndetësore pas ngjarjes.
