Legjenda e Manchester United, Wayne Rooney dha një përgjigje të ashpër kur u pyet se si skuadra mund të rikthehet në rrugën e fitoreve pas një sezoni për t’u harruar 2024-25.
Ish-sulmuesi pohoi se vetëm dy lojtarë nga skuadra aktuale e meritonin të vazhdonin, ndërsa 10-15 prej tyre duhej të largoheshin për të përmirësuar gjendjen e ekipit.
Djajtë e Kuq janë në mes të një prej sezoneve më të këqija në historinë e klubit. Ata janë në gjysmën e fundit të renditjes së Premier League.
Rooney tha në podcastin Stick to Football:
“Ata duken të humbur. Ata duken të frikësuar.
“Bruno Fernandes është ai që vazhdon të prodhojë, ai të mërzit ndonjëherë, por vazhdon të prodhojë. Ata kanë nevojë për ndryshime masive në skuadër, mendoj se 10-15 lojtarë duhet të largohen nga klubi. Natyrisht, nuk mund ta bëjnë këtë, por ka një mentalitet ku askush nuk merr përgjegjësi.
“Unë do të mbaja Brunon dhe Kobbie Mainoo. Ka një kulturë në klub ku është shumë e lehtë të humbasësh ndeshjet dhe lojtarët dalin dhe thonë, ‘mendjen te ndeshja tjetër’ dhe gjithë ato mbeturina. Thjesht trego pak karakter dhe lufto në fushë”.
Fernandes ka qenë lojtar më i mirë i United në këtë vit të vështirë, duke shënuar 25 gola në 42 ndeshje.
Mainoo ka pasur probleme me dëmtimet, por i riu ka treguar se është një nga mesfushorët më të mirë të Manchester United.
