Të martën e datës 14 korrik do të zhvillohet konferenca ndërqeveritare me BE, ku do të zyrtarizohet mbyllja e 3 kapitujve të parë të negociatave.
Mësohet se konferenca do të nisë rreth orës 19:00 në Këshillin e Europës, ndërsa delegacioni shqiptar do të kryesohet nga kryeministri Edi Rama.
Rama parashikohet të mbajë një fjalë para përfaqësuesve të shteteve anëtare, bashkë me ministrin e Jashtëm të Irlandës dhe komisioneren Marta Kos.
Bëhet fjalë për mbylljen e tri kapitujve: Kapitulli 26 “Arsimi dhe kultura”; Kapitulli 25 “Kërkimi shkencor”; Kapitulli 30 “Marrëdhëniet me Jashtë”.
Në mbyllje parashikohet edhe një konferencë për shtyp rreth orës 20:00.
