Vatikan ka bërë publike shkakun e vdekjes së Papa Françeskut, duke njoftuar se ai ndërroi jetë si pasojë e një goditjeje në tru.
Njoftimi zyrtar u publikua rreth 12 orë pas lajmit të parë për ndarjen nga jeta të Papës.
Papa Françesku vuante prej kohësh nga probleme serioze shëndetësore, të cilat u përkeqësuan gjatë viteve të fundit të jetës së tij. Ai kishte veçanërisht komplikacione nga një sëmundje kronike në mushkëri.
Më 14 shkurt, ai u shtrua në spitalin “Gemelli” pas një krize respiratore, e cila më pas u diagnostikua si pneumoni e dyfishtë. Për disa ditë ai qëndroi në reanimacion, ku gjendja e tij u stabilizua përkohësisht.
