Manchester United ka vendosur t’i japë ende besim Michael Carrick, pavarësisht rezultateve të paqëndrueshme dhe presionit në rritje ndaj trajnerit anglez.
Sipas Sky Sports, Carrick do ta drejtojë skuadrën edhe në ndeshjen e radhës ndaj Chelsea në “Stamford Bridge”, ndërsa programi stërvitor po vazhdon normalisht nën drejtimin e tij.
Pavarësisht zërave për një shkarkim të mundshëm, drejtuesit e United nuk kanë ndërmend të bëjnë një ndryshim të menjëhershëm dhe presin një reagim të fortë nga skuadra në javët e ardhshme.
Sfida në Londër pritet të jetë shumë e rëndësishme për të ardhmen e Carrick në “Old Trafford”. Një rezultat pozitiv ndaj Chelsea mund t’i japë më shumë stabilitet pozicionit të tij, ndërsa një tjetër paraqitje zhgënjyese mund të rikthejë presionin mbi drejtuesit e klubit.
United kërkon gjithashtu të ndalë serinë e rezultateve të dobëta dhe të marrë një fitore të rëndësishme në një nga transfertat më të vështira të sezonit.
