Kryetarja e Kuvendit, Elisa Spiropali ditën e sotme ka komentuar incidentin e ndodhur disa ditë më parë gjatë seancës plenare. Në Forumin për Anti-korrupsion ajo foli për situatën kaotike që u krijua në Parlament më 30 shtator dhe për copat e drurit që u hodhën drejt saj nga Gazment Bardhi dhe deputetët e tjerë të opozitës.
. Spiropali tha se e ka ruajutr fati dhe “paaftësia e personit që gjuajti drejt saj”. Si person e kam kam falur, tha ajo ndërsa si politikane kërkoi që në Kuvend të mbizotërojë dialogu.
“Ndihem e lumtur që jemi sot bashkë. Faleminderit që na dhatë rastin e kënaqësinë të shkëmbejmë ide më mirë dhe më qartë për atë që përditshmëria na bën të harrojmë, rrjedhën galoponte të ndryshimit. Një ndryshim që pak kohë më parë përballë skepticizmit fatal, ‘ky vend nuk bëhet’ na dukej e pamundur. Ky vend bëhet, ky vend po bëhet.
Dje vonë në mbrëmje një grup nga stafi mbështetës i Kuvendit më bëri dhuratën më të papërshtatshme që kam marrë ndonjëherë, një copë druri brenda një kornize xhami. Copa e drurit, këmba e karriges që një eksponent i opozitës e hodhi drejt meje për të më goditur. E di që më ruajti fati dhe paaftësia e goditësit për të gjuajtur në shenjë. Si njeri e kam falur, si politikane nuk mund të rri pa thënë dy fjalë.
Pse kjo egërsi? Pse edhe në vendin që duhet të mbizotërojë dialogu dhe arsyeja, thirret në ndihmë dhuna e verbër? Nuk kemi mundësi të shtjellojmë të gjitha arsyet. Po ju them vetëm njërën nga ato, atë që ka të bëjë me rolin balancues të pushtetit gjyqësorë. Ka ndodhur pikërisht këtu ku prokurorët e përgjithshëm të këtij vendi, shiheshin si vartës, trajtoheshin si kundërshtarë dhe luftoheshin si armiq”, tha ndër të tjera Spiropali./ilirianews
