FIFA ka konfirmuar tre kandidaturat e paraqitura për zgjedhjet presidenciale që do të zhvillohen më 18 mars 2027 në Rabat të Marokut: Gianni Infantino, Philippe Diallo dhe Kozo Tashima. Kandidaturat tashmë i janë dërguar komisionit zgjedhor, i cili do të vendosë për pranimin përfundimtar të tyre.
Infantino, president i FIFA-s që prej vitit 2016, kërkon një tjetër mandat dhe hyn në garë përballë dy sfiduesve.
Philippe Diallo, presidenti i Federatës Franceze të Futbollit, është kandidatura e mbështetur nga UEFA. Francezi hyri në garë vetëm pak ditë para mbylljes së afatit, pasi disa federata europiane tërhoqën mbështetjen ndaj Infantinos.
Kandidati i tretë është japonezi Kozo Tashima, ish-president i Federatës Japoneze dhe një emër me eksperiencë në strukturat drejtuese të FIFA-s. Ai ka lënë të hapur edhe mundësinë e bashkëpunimit me Diallon përpara zgjedhjeve.
Sipas rregullave të FIFA-s, emrat e kandidatëve të pranuar përfundimisht do t’u komunikohen federatave anëtare jo më vonë se 18 shkurt 2027.
Zgjedhjet do të zhvillohen një muaj më vonë, më 18 mars, gjatë Kongresit të 77-të të FIFA-s në Rabat.











