Tregu i Mifolit në Vlorë është në kushte skandaloze!
Ky treg që shërben për shitjen e produkteve të ndryshme ka mungesë të kushteve elementare të higjenës, duke u shëndruar një një burrim infeksioni për njerëzit që punojnë dhe blejnë vjëra aty.
Pazari funksionon një herë në javë dhe në të vijnë tregtarë dhe nga zonat e Beratit e Fierit. Në të shiten veshhje, produket ushqimore dhe mobilje për shtëpinë. Por kushtet në të cilat tregtohen frutat, perimet dhe produktet e bulmetit janë shumë të këqia.
Investimet kanë munguar dhe në treg nuk është vënë dorë për riparim prej vitesh.
“Çmimet janë rritur jashtë mase. Unë nuk jetoj këtu për vete, jam i larguar, por çmimet janë keq. Tregu, si gjendje, mirë, se e kanë rregulluar pak, se ka qenë më keq por kanë punuar pak”, thotë një qytetar.
“Tregu ishte shumë keq, se dilte edhe lumi, e bëhej llumë. Këto janë kushtet, se këtu ka të ardhura, duhet ta bëjnë me kushte më të mira, ta bëjnë me raftet e mbuluara, po jo kështu. Çmimet…po të më pyesni mua, si pensionist që marr 150 mijë lekë në muaj të vjetra, janë skandal, nuk ja dalim dot. Ne gjithmonë mburremi me fëmijët që kemi jashtë; na ndihmojnë ata.” thotë një tjetër qytetar.
Tregtarët që ushtrojnë aktivitetin në këtë zonë paguajnë taksa në bashki, por ato nuk i janë përkthyer në shërbime ndaj tyre.
“Kushtet dobët, shumë dobët, duhet shteti të ndërhyjë, mos të futen nga jashtë. Kam shitur nja 4-5 copë; po që ky çmim, dalim 0, sivjet, asnjë fitim”, thotë një tjetër tregtar.
Investimet e pakta në 20 vite për tregun e vjetër tek ura e Mifolit janë mbushja e bazamentit si masë parandaluese për daljen e lumit Vjosa nga shtrati dhe asfaltimi i hyrjes së tregut. Nevoja për ndërhyrje është e menjëhershme.
