Policia e Sienës ka kryer me sukses një operacion për kapjen e një trafikanti droge në Itali. Bëhet fjalë për një 41-vjeçar shqiptar i cili ka rënë në pranga së fundmi.
Shqiptari i cili jetonte në Poggibonsi, trafikonte drogë ndërsa policia e Sienës ka monitoruar prej ditësh shtetasin i cili shkonte në pyll dhe merrte disa enë qelqi të groposura.
Në këto kavanozë të mbushur me oriz për të larguar lagështinë, kishte pako të vakumuara me kokainë me peshë më shumë se 180 gram.
Pasi kryen dhe kontrollin në banesë, policia gjeti gjithashtu dhe 6,600 euro cash, me shumë gjasa të fituara nga trafikimi i drogës.
Mësohet se 41-vjeçari shqiptar është me precedent penal, gjithashtu gjatë kohës që trafikonte lëndë narkotike ishte nën arrest shtëpie.
