Një incident u regjistrua pak më parë pranë zjarrit, mes një tregtari dhe një përgjegjësi të tregut. Tregtari e ka akuzuar se ai është fajtor për zjarrin e madh. Kjo ka detyruar policinë të ndërhyjë duke e shoqëruar.
Zjarri i përmasave të mëdha përfshiu ditën e djeshme tregun e 5 Majit, duke shkaktuar dëme të konsiderueshme. Rreth 60 forca zjarrfikëse u angazhuan në terren për disa orë me radhë për të vënë nën kontroll dhe neutralizuar flakët.
Sipas të dhënave paraprake, ka dyshime se zjarri mund të jetë shkaktuar nga një shkëndijë elektrike, por shkaqet e sakta pritet të konfirmohen pas përfundimit të hetimeve nga autoritetet përkatëse.
