Situata është tensionuar gjatë protestës që po zhvillohet këtë të martë pranë Kuvendit të Shqipërisë, në ditën e 101-të të rezistencës qytetare.
Përplasjet mes protestuesve dhe forcave të Policisë janë përshkallëzuar, ndërsa efektivët kanë ndërhyrë për të larguar disa prej protestuesve nga zona. Disa prej tyre janë shoqëruar nga policia, ndërsa në momentet e ndërhyrjes janë parë edhe tërheqje zvarrë të protestuesve.
Ndërkohë, protestuesit vijojnë me thirrjet kundër qeverisë dhe klasës politike, ndërsa prania e forcave të policisë mbetet e shtuar përreth Kuvendit.
