Trajneri i Atletico Madrid, Diego Simeone, foli me qetësi pas humbjes 4-0 ndaj Arsenalit në “Emirates Stadium”, duke pranuar se kundërshtari ishte më i mirë, por duke mbrojtur përpjekjen e lojtarëve të tij.
“Nuk kam asgjë për t’i thënë skuadrës. Ata u përpoqën, vrapuan dhe dhanë gjithçka. Thjesht u mundëm nga një ekip më i mirë,” – tha Simeone për “Movistar+”.
Argjentinasi pranoi se Atletico e menaxhoi mirë pjesën e parë, por pas golit të parë të londinezëve gjithçka ndryshoi:
“Ne konkurruam mirë deri te goli i parë. Pastaj, ata ishin shumë të fortë në goditjet standarde dhe në 20 minuta çdo rast që patën u kthye në gol. Detajet bëjnë diferencën në këto ndeshje.”
Simeone shtoi se humbja ishte një mësim për skuadrën, ndryshe nga disfatat e kaluara:
“Nuk ishte si 4-0 ndaj Benficës një vit më parë. Sot kishim ide, kishim përpjekje. Arsenal është më i mirë tani, duhet ta pranojmë dhe të mësojmë nga kjo.”
Trajneri lavdëroi gjithashtu mënyrën se si Arsenal shfrytëzoi goditjet e dënimit dhe kornet:
“Ata janë mjeshtër në goditjet standarde. Kanë lojtarë të fuqishëm, trajnerë që punojnë shumë në detaje, dhe kjo u pa në fushë.”
Simeone e mbylli shkurt:
“Çfarë na mungon jashtë fushe? Vetëm një gjë: fitorja.”
