Një konflikt për motive pronësie mes dy vëllezërve ka përfunduar me ndërhyrjen e policisë në lagjen “Uji i Ftohtë” në Vlorë.
Njëri prej vëllezërve, 47-vjeçari me iniciale J. T., është vënë në pranga. Ai rezulton me precedent kriminal për trafikim të lëndëve narkotike.
Sipas policisë, pas marrjes së njoftimit për një konflikt në një familje, shërbimet e Komisariatit të Policisë Vlorë kanë ndërhyrë menjëherë në vendngjarje për të sqaruar rrethanat.
Blutë informojnë se 47-vjeçari dyshohet se, për motive pronësie, ka kanosur me armë zjarri vëllanë e tij.
Në cilësinë e provës materiale është sekuestruar një armë zjarri pistoletë, së bashku me dy krehra dhe 30 fishekë.
