Duket se Bayern Munich po përgatitet edhe një herë të “rrëmbejë” një tjetër futbollist nga Borussia Dortmund — një praktikë tashmë e njohur për bavarezët.
Sipas gazetarit Christian Falk, Bayern po shqyrton mundësinë e transferimit të qendërmbrojtësit 26-vjeçar të Dortmundit, Nico Schlotterbeck.
Përfaqësuesit e lojtarit raportohen se kanë shprehur gatishmërinë për transferim, por Bayerni nuk do të bëjë asnjë hap zyrtar derisa të sqarojë situatën me Dayot Upamecano, i cili ende nuk ka vendosur nëse do të rinovojë kontratën.
Skenari është i thjeshtë:
- Nëse Upamecano rinovon, Bayerni nuk ka nevojë për Schlotterbeck.
- Nëse Upamecano largohet, atëherë Dortmundi rrezikon ta humbasë qendërmbrojtësin.
Këtë sezon, Schlotterbeck ka zhvilluar 16 ndeshje, duke shënuar 1 gol dhe dhënë 2 asistime. Ai është i lidhur me Dortmundin deri në vitin 2027, ndërsa vlera e tij në Transfermarkt vlerësohet rreth 40 milionë euro.
