Ish-ministri i Jashtëm Ditmir Bushati ka reaguar pas deklaratave të kryediplomatit serb për arritjen e një ujdie me qeverinë shqiptare për të hapur në Shkodër, Konsullatën e Serbisë.
Në një reagim në rrjetet sociale, Bushati shprehet se uron që ky lajm të mos jetë i vërtete, pasi sipas tij në planin strategjik do të ishte një vendim i gabuar.
Sipas tij; “një konsullatë e Serbisë në Shkodër nuk reflekton realitetin historik, peshën e pakicës serbe në zonë, dhe vendos padrejtësisht shenja barazimi me shqiptarët që jetojnë në Luginën e Preshevës”.
Më tej ish kreu i diplomacisë shqiptare thekson se një vendimmarrje e tille është e gabuar edhe ë plani taktik pasi “gjuha e zyrtarëve të lartë të Serbisë është në kulmin e ekstremitetit në raport me spastrimin etnik në Kosovë”.
Ditmir Bushati me tone kritike thekson se ky vendim do të ishte “një karshillëk ndaj Malit të Zi, kur dihet se Serbia nuk ka hequr dorë nga praktikat asimiluese ndaj pakicës malazeze që jeton në Shqipëri”.
“Uroj që lajmi i dhënë nga ministri i jashtëm serb dhe ujdia e pretenduar me homologun shqiptar për hapjen e Konsullatës së Serbisë në Shkodër të mos jetë e vërtetë.
Në planin strategjik do të ishte e gabuar. Një konsullatë e Serbisë në Shkodër nuk reflekton realitetin historik, peshën e pakicës serbe në zonë, dhe vendos padrejtësisht shenja barazimi me shqiptarët që jetojnë në Luginën e Preshevës.
Po aq e gabuar do të ishte edhe në planin taktik, teksa gjuha e zyrtarëve të lartë të Serbisë është në kulmin e ekstremitetit në raport me spastrimin etnik në Kosovë. Dhe një karshillëk ndaj Malit të Zi, kur dihet se Serbia nuk ka hequr dorë nga praktikat asimiluese ndaj pakicës malazeze që jeton në Shqipëri”, thekson Ditmri Bushati.
