Anëtarët e Komitetit të Senatit për Shërbimet e Armatosura kanë marrë në pyetje Sekretarin e Mbrojtjes, Pete Hegseth, lidhur me mënyrën se si është menaxhuar lufta kundër Iranit.
Seanca dëgjimore u hap nga senatori Roger Wicker, i cili theksoi se Shtetet e Bashkuara të Amerikës ndodhen në një nga periudhat më të rrezikshme të sigurisë që nga Lufta e Dytë Botërore. Ai gjithashtu vlerësoi përdorimin e forcës ushtarake nga presidenti Donald Trump.
Sipas Wicker, përmes kësaj lufte, Trump ka synuar të dobësojë kapacitetet ushtarake të Iranit dhe ta detyrojë atë të rikthehet në tryezën e negociatave për një marrëveshje afatgjatë.
Senatori republikan vlerësoi gjithashtu propozimin e buxhetit për vitin 2027, duke e cilësuar kërkesën prej 1.5 trilion dollarësh si thelbësore për garantimin e interesave amerikane në të ardhmen.
Ndërkohë, një ditë më parë, Hegseth u përball edhe me kritika të forta nga demokratët gjatë një seance maratonë në Dhoma e Përfaqësuesve e SHBA-së, ku u ngritën shqetësime për kostot e luftës, humbjet njerëzore dhe uljen e rezervave të armëve strategjike.
