Deputeti i Partisë Demokratike Saimir Korreshi ka bërë bujë pasditen e sotme pas seancës parlamentare, duke lëshuar një deklaratë se socialistët i kishin vjedhur xhupin në kuvend.
Duke publikuar një foto që fakton se në mëngjes ishte me xhup, Korreshi shkruajti: Aq shpejt iku PS nga seanca sa u perplasen me njeri tjetrin. Ore po xhupin tim kush e vodhi. Nuk u ngopet 12 vjet. Jo per gje po kam dhe shamin e qurreve ne xhep.
Teksa ishte i ftuar në një emision në mbrëmje, Korreshi tha se e gjeti xhupin.
-Pyetje: A e gjete xhupin mo?
-Korreshi: Aq shumë nxituan sot ata të PS-së për të dalë nga parlamenti, sa morën dhe xhupin tim. Soicialistët e vodhën, por edhe nuk mund të quhet vjedhje përderisa e kthyen mbrapsht. Më morën në telefon dhe më thanë e morëm padashje. Po e morën deputetë të PS-së. Se nga nxitimi, se mbase u pëlqen nuk e di këtë, po është çudi kështu se ata janë dhe pak të shëndoshë ngaqë kanë 12-vjet në pushtet dhe nuk e di a u bën.
