Cristiano Ronaldo ka kujtuar edhe një herë madhështinë e tij, pas fitores së Al-Nassr ndaj Al-Ahli në javën e 30-të të Saudi Pro League.
Pas përfundimit të ndeshjes, tifozët e Al-Ahli tentuan ta provokonin yllin portugez, duke i kujtuar sukseset e klubit të tyre në Azi dhe dy trofetë radhazi të AFC Champions League.
Por Ronaldo nuk qëndroi pa reaguar. Pesë herë fituesi i “Topit të Artë” iu përgjigj menjëherë, duke kujtuar arritjet e tij në skenën më të madhe evropiane.
“Unë kam pesë trofe të Champions League”, u dëgjua të thoshte Ronaldo.
Në fushë, Al-Nassr doli fitues me rezultatin 2-0, ndërsa Ronaldo edhe një herë tregoi se provokimet nuk e tronditin.
