Cristiano Ronaldo vazhdon të afrohet me shifrën historike të 1000 golave në karrierë.
Në ndeshjen kryesore të javës së 30-të në Saudi Pro League, Al-Nassr po përballet me Al-Ahli, ndërsa ylli portugez ishte ai që zhbllokoi rezultatin me një gol shumë të rëndësishëm.
Ronaldo shënoi në minutën e 76-të, duke i dhënë avantazhin skuadrës së tij në një moment kyç të takimit. Për sulmuesin portugez, ky ishte goli i 970-të në karrierë, duke e lënë vetëm 30 gola larg shifrës magjike të 1000 realizimeve.
Al-Nassr ndodhet aktualisht në krye të renditjes dhe, nëse arrin ta ruajë këtë rezultat, do të shkëputet me tetë pikë nga vendi i dytë. Megjithatë, Al-Hilal ka ende një ndeshje më pak, si dhe një përballje direkte për të luajtur.
