Manchester City po përgatitet për një tjetër sfidë në Premier League, por edhe këtë herë Pep Guardiola do të duhet të bëjë pa Rodrin. Mesfushori spanjoll ende nuk është rikuperuar plotësisht dhe trajneri nuk ka një datë të saktë për rikthimin e tij.
Rodri u dëmtua në ndeshjen kundër Brentford më 5 tetor, bëri një paraqitje të shkurtër më 2 nëntor, por që atëherë nuk ka luajtur më. Guardiola konfirmoi se ai nuk do të jetë i gatshëm as për sfidën e ardhshme dhe vazhdon fazën e rehabilitimit.
Deklarata e Guardiolës:
“Po përmirësohet. Nëse kjo përgjigje ju mjafton, atëherë po, po përmirësohet,” tha trajneri i City-t.
Manchester City do të përballet me Sunderland në javën e 15-të të Premier League, të shtunën më 6 dhjetor, në “Etihad Stadium”, me fillim nga ora 16:00 CET. Aktualisht, City renditet në vendin e dytë në tabelë me 28 pikë.
