Forcat speciale RENEA janë pozicionuar në bulevardin “Dëshmorët e Kombit” në Tiranë, pranë Kryeministrisë, ndërsa protesta po shoqërohet me përplasje të forta mes demonstruesve dhe Policisë së Shtetit.
Prania e forcave speciale vjen pas përshkallëzimit të situatës në terren, ku protestuesit kanë hedhur molotovë, ndërsa efektivët janë kundërpërgjigjur me gaz lotsjellës në përpjekje për të shpërndarë turmën.
Shtimi i pranisë policore në bulevard synon të sigurojë godinën e Kryeministrisë dhe të parandalojë incidente të tjera. Ndërkohë, situata në kryeqytet vijon të mbetet e tensionuar.
