Reforma territoriale dhe propozimet për ndarjen e re adminiatrative kanë ndezur debatin mes shumë qytetarëve në të gjithë republikën e Shqipërisë.
Në shumë qytete ku socialistët kanë propozuar shkrirjen dhe bashkimin e bashkive, qytetarët por edhe punënjësit e administratës së bashku me kryetarët e bashkive janë ngritur në protesta për të kundërshtuar këtë vendim.
Një prej bashkive të cilën “lapsi e zuri” për t’u shkrirë është dhe ajo e Maliqit, një bashki relativisht e madhe si në territor ashtu edhe në popullsi.
Socialistët kanë propozuar që bashkisë Maliq “t’i vihet çelësi” dhe ajo të bëhet një me bashkinë Korçë. Por këtu qytetarët ngenë një sërë shqetësimesh sa u takon shërbimit që do të marrin!
Në foto shihet një kanal kullues në periferi të Korçës, vetëm pak km larg nga qendra e qytetit. Lehtësisht mund të shihet se kryebashkiaku Sotiraq Filo, i njohur nga korçarët si “Raqka”, nuk ka pasur as vullnetin dhe as mundësinë për ta pastruar.
Në këto rrethana, qytetarët ngrenë pikëpyetje të drejta, si; Kur nuk menaxhon dot territorin që ka, si mund të menaxhojë dhe territorin e një bashkie tjetër, në këtë rast të Maliqit?
Premtime të dhëna ndër vite korçarëve si gazifikimi i qytetit, ndërtimi i spitalit të ri, ndërtimi i aeroportit, apo ndërtimi i një stadiumi të ri, janë “tretur” si shkuma e detit sapo kanë kaluar zgjedhjet. Kjo gjë i bën qytët skeptikë dhe dyshues.
