Partizani ka marrë një fitore me shumë peshë në transfertën ndaj Teutës, duke dalë me tri pikë nga stadiumi “Niko Dovana” në javën e 10-të të Kategorisë Superiore.
Takimi ishte i ekuilibruar në pjesën e parë, me të dyja skuadrat që nuk arritën të gjenin rrugën e rrjetës.
Gjithçka ndryshoi në minutën e 59-të. Atanaskoski realizoi një gol shumë të bukur, duke zhbllokuar sfidën dhe duke i dhënë avantazhin Partizanit.
Teuta rriti presionin pas golit dhe kërkoi barazimin, por Qirko ishte vendimtar mes shtyllave me disa ndërhyrje të rëndësishme.
Durrsakët patën një tjetër mundësi të mirë me Dacin në minutën e 75-të, por rezultati mbeti i pandryshuar deri në fund.
Partizani rikthehet kështu te fitorja në një moment të rëndësishëm të sezonit, ndërsa Teuta regjistron një tjetër rezultat negativ pas humbjes së javës së kaluar ndaj Egnatias.
