Real Madridi vazhdon formën e shkëlqyer në La Liga dhe këtë herë e bëri me stil, duke e mposhtur Real Sociedad 4–1. Me këtë fitore, ekipi i Álvaro Arbeloa ngjitet përkohësisht në vendin e parë me 60 pikë, dy më shumë se Barcelona që luan të hënën.
Ndeshja u zhbllokua shpejt: García shënoi në minutën e 5-të pas asistit të Alexander-Arnold, por Sociedad u kthye menjëherë në lojë me Oyarzabal, i cili barazoi nga penalltia në 21’. Reali reagoi pa humbur kohë: Vinícius riktheu avantazhin nga penalltia në 25’, ndërsa Valverde e çoi rezultatin në 3–1 në 31’, duke i dhënë qetësi vendasve që në pjesën e parë.
Në pjesën e dytë, “Los Blancos” e mbyllën përfundimisht ndeshjen sërish me Vinícius, i cili realizoi penalltinë e dytë personale në 48’ për 4–1, duke vulosur një fitore të pastër dhe bindëse.
