Kylian Mbappe dhe Vinicius Jr i dhurojnë Real Madridit fitoren kundër Celta Vigo.
Kylian Mbappe dhe Vinicius Junior ishin sërish protagonistët pasi Real Madrid mposhti Celta Vigo 2-1 në La Liga në Balaidos.
Skuadra e Carlo Ancelottit ishte larg nga performanca që pritej kundër Celtas, por gjithsesi arriti të siguronte një tjetër fitore falë cilësisë së Kylian Mbappe dhe Vinicius Jr.
Në minutën e 20-të të ndeshjes në Estadio Abanca-Balaídos, Mbappé mori një pasim nga Eduardo Camavinga pas një ndërhyrjeje të gabuar të Fran Beltrán të Celtës. Me hapësirë dhe kohë të bollshme, ai goditi me të djathtën dhe e dërgoi topin në këndin e sipërm të portës, duke lënë portierin Vicente Guaita pa shpresë.
Epërsia nuk zgjati shumë, pasi Celta më në fund shënoi një nga rastet e saj të shumta kur Williot Swedberg barazoi.
Ancelotti reagoi duke futur në fushë Luka Modric dhe 39-vjeçari pati një ndikim të menjëhershëm. Kapiteni i Madridit dërgoi një top të mrekullueshëm për Vinicius Jr për t’u kthyer në gol dhe për të fituar tre pikë të tjera për Los Blancos përpara Clasico-s së fundjavës së ardhshme.
