Real Madrid vazhdon të përfitojë financiarisht nga akademia e tij. Jacobo Ortega është transferuar te Strasbourg për 10 milionë euro, ndërsa klubi madrilen ka shitur 70% të të drejtave të lojtarit.
Sulmuesi largohet pa debutuar me ekipin e parë në La Liga dhe madje pa qenë i regjistruar me Castilla-n. Megjithatë, paraqitjet e tij me Real Madrid C dhe në Youth League tërhoqën interes të madh, ndërsa sezonin e fundit ai realizoi 18 gola.
Strasbourg kishte ofruar fillimisht 8 milionë euro për 50% të të drejtave, por marrëveshja përfundimtare u mbyll në 10 milionë euro për 70%.
Me këtë operacion, të ardhurat e Real Madridit nga shitjet e lojtarëve të dalë nga La Fábrica arrijnë në rreth 199 milionë euro.
