Një krijim i pazakontë që imitonte rrjedhjen e qumështit të gjirit tërhoqi vëmendjen në Javën e Modës në Londër, duke shkaktuar reagime të shumta në rrjetet sociale.
Reçipetat u krijuan nga stilistja greke me bazë në Londër, Dimitra Petsa, themeluese e markës Di Petsa. Veshja ishte pjesë e koleksionit “Holy Milk” për sezonin pranverë/verë 2027.
Për të mbyllur sfilatën u zgjodh këngëtarja britanike Leigh-Anne Pinnock, ish-anëtare e grupit Little Mix, e cila është gjithashtu shtatzënë. Gjatë performancës, mekanizmi i integruar në veshje u aktivizua dhe lëshoi lëng në drejtim të modeleve që ndodheshin pranë saj.
Sipas stilistes, performanca synonte të trajtonte tema si mëmësia, trupi i gruas dhe kujdesi, duke vendosur një akt intim brenda një hapësire publike siç është pasarela e modës.
Vetë Pinnock e vlerësoi krijimin, duke e cilësuar në rrjetet sociale si një nga momentet kur është ndier më e fuqishme.
Megjithatë, performanca shkaktoi reagime të ndara në rrjet. Disa përdorues e konsideruan mënyrën e paraqitjes së gjidhënies të papërshtatshme, ndërsa të tjerë e mbështetën si një formë arti që synon të hapë diskutimin mbi mëmësinë dhe mënyrën se si trupi i gruas paraqitet në publik.
Di Petsa është e njohur për krijimet që ndërthurin modën me performancën artistike, shpesh duke përdorur elemente që lidhen me ujin, natyrën dhe trupin e gruas.
