PSG ka përforcuar repartin e portës me një emër për të ardhmen. Klubi parizien ka zyrtarizuar transferimin e portierit italian Alessandro Longoni nga Milani.
18-vjeçari ka firmosur kontratë me PSG deri në vitin 2031 dhe do të mbajë fanellën me numrin 16. Me Renato Marin që është larguar në huazim, Longoni pritet të marrë rolin e portierit të tretë në skuadër.
Longoni iu bashkua akademisë së Milanit në moshën 9-vjeçare dhe u rrit në sektorët e moshave të klubit kuqezi. Ai ka luajtur edhe në UEFA Youth League, duke fituar eksperiencë në nivel ndërkombëtar për të rinj.
Portieri konsiderohet si një nga talentet më premtuese italiane të brezit të tij. Ai ka përfaqësuar Italinë nga U15 deri te U19, ndërsa në vitin 2024 u shpall kampion Europe me kombëtaren U17.
